დაპირისპირების კიდევ ერთი საქმე გენერალური აუდიტორის მონაწილეობით. სოციალურ ქსელში 2016 წლის 24 დეკემბერს კაფე ბარ „პამ-"კლუბში მომხდარი ინციდენტის ამსახველი ვიდეომასალა გავრცელდა.
სათვალთვალო კამერებით გადაღებულ ჩანაწერებში ლაშა თორდია ფიგურირებს. გენერალური აუდიტორი ადასტურებს ამ ინფორმაციას და აცხადებს, რომ სწორედ ახლა ამ მასალის გასაჯაროება ოთარ ფარცხალაძესთან მომხდარ დაპირისპირებას უკავშირდება.
ინტერნეტში ვიდეოს გავრცელებიდან მალე "პამ კლუბში" მომხდარზე განცხადება გამოქვეყნდა შინაგან საქმეთა სამინისტროს ვებ-გვერდზე. უწყების ინფორმაციით, გამოძიება მომხდარს უკვე 6 თვეა სწავლობს. საფუძველი კი ობიექტის თანამშრომლის მიმართვა გახდა.
დღესვე პრესკონფერენცია გამართა მოქალაქე გიორგი კალაძის ადვოკატმა თუმცა, კაფე-ბარის დირექტორი აცხადებს რომ გიორგი კალაძეს დაწესებულებაში არასდროს უმუშავია.
გიორგი კობერიძე დეტალებით.