“გადაწყვეტილებები, რომლებიც ღია კარის პოლიტიკასთან დაკავშირებით მივიღეთ ძალაში რჩება, მათ შორის საქართველოს შესახებ ვარშავაში მიღებული გადაწყვეტილებაც იგულისხმება “, – ამის შესახებ ნატო-ს გენერალურმა მდივანმა იენს სტოლტენბერგმა განაცხადა.

მისივე თქმით, საქართველო ნატო-ს წამყვანი პარტნიორია და რეფორმების გზაზე მისი მხარდაჭერა გაგრძელდება.

გენერალური მდივანი მიიჩნევს, რომ თბილისში ნატო-ს საპარლამენტო ასამბლეის მოახლოებული ვიზიტი იმ მაღალი პოლიტიკური დიალოგისა და მხარდაჭერის ნაწილია, რომელიც საქართველო-ნატოს შორის არსებობს.

სტოლტენბერგმა ავღანეთში ნატოს სამშვიდობო ოპერაციებში მონაწილეობისთვის ქართულ მხარეს მადლობა გადაუხადა.