აფეთქება მოხდა ოკუპირებული გალის რაიონის სოფელ მეორე ოტობაიაში. „მოამბის“ ინფორმაციით, შოთა გითოლენდიას სახლში, სადაც მეორე ოტობაიას ე.წ. გამგებელი ვიტალი სოროკინი ცხოვრობს, ხელყუმბარა აფეთქდა.

მომხდარის შედეგად, არავინ დაშავავებულა. ჩამსხვრეულია საცხოვრებელი სახლის ფანჯრები.

ამ დროისთვის ადგილზე იმყოფებიან ოკუპირებული აფხაზეთის ე.წ. მილიციის, რუსეთის „ეფ-ეს-ბეს“ წარმომადგენლები და გალის ე.წ. ადმინისტრაციის წარმომადგენლები.

როგორც ადგილობრივებმა „მოამბეს“ განუცხადეს, სორკკინს არანაირი დაზიანება არ აქვს მიღებული და მათი ვარაუდით, მეორე ოტობაიის ე.წ. გამგებელმა აფეთქება თავად მოაწყო, რადგან სოფელში სადამსჯელო ოპერაციის ჩატარება სურს.