შეზღუდვა ნავთობის მოპოვებაზე, შესაძლოა კიდევ ერთი წლით გახანგრძლივდეს. აღნიშნულ საკითხს ნავთობის უმსხვილესი მომპოვებელი ქვეყნების კარტელი ოპეკი, დღეს ვენაში დაგეგმილ შეხვედრაზე განიხილავს და საბოლოო გადაწყვეტილებას მიიღებს.

შეთანხმების მიხედვით, რომელიც ნავთობის ფასის ზრდას და ბაზრის სტაბილიზაციას ისახავს მიზნად, დღიური წარმოება 1,8 მილიონ ბარელამდე შემცირდა, თუმცა ამერიკის მარაგების ზრდის გამო, ბაზარზე ისევ ჭარბი მიწოდებაა.

შეხვედრის დაწყებამდე ნავთობის ფასი კიდევ ერთი პროცენტით გაიზარდა და საშუალოდ ბარელზე 54 დოლარი და 50 ცენტი შეადგინა.