2016 წელს საქართველოში უმუშევრობის დონე შემცირდა. "საქსტატის" მონაცემით, 2015 წელთან შედარებით უმუშევრობა 0.2 პროცენტული პუნქტით შემცირდა და 11.8 პროცენტი შეადგინა, რაც ბოლო 13 წლის მანძილზე ყველაზე დაბალი ნიშნულია.

ტრადიციულად, დასაქმებულებში ჭარბობს თვითდასაქმებულთა წილი.

აღნიშნული მაჩვენებელი 2016 წელს პრაქტიკულად არ შეცვლილა, შესაბამისად თვითდასაქმებულია 57.6%, დაქირავებით დასაქმებული კი 42.4%. უმუშევრობის დონე გაცილებით დაბალია სოფლის მოსახლეობაში, ქალაქის მოსახლეობასთან შედარებით.

2016 წელს ეკონომიკურად აქტიურმა მოსახლეობამ, შრომისუნარიანი ასაკის მოსახლეობის 67,5 პროცენტი შეადგინა.