დამოუკიდებლობის აღდგენის დღის აღნიშვნას უკვე 26-წლიანი ისტორია აქვს. საზეიმო პროგრამა და კონცეფცია წლებთან ერთად იცვლება.

1991 წლიდან ეროვნული დღესასწაულის განუყოფელი ნაწილი იყო აღლუმის გამართვა და სამხედრო ტექნიკის დემონსტრირება, ბოლო წლებში კი 26 მაისს სახალხო ზეიმის სახე აქვს, რომლის ერთ-ერთი მთავარი შემადგენელი ნაწილი ფიცის დადების ცერემონიაა.

ისტორიას ახსოვს პოლიტიკური ვითარების გამო გაუქმებული ან სახეშეცვლილი სადღესასწაულო პროგრამებიც.

ქეთი ქაშაკაშვილი გაგვახსენებს 26 მაისის აღნიშვნის ქრონიკას, რომელიც სათავეს 1918 წლიდან, ანუ დამოუკიდებლობის აქტის ხელმოწერიდან იღებს.