ჰილარი კლინტონი, თითქმის 50 წლის შემდეგ, უელესლის კოლეჯში დაბრუნდა და სტუდენტების წინაშე მოხსენებით გამოვიდა.
კოლეჯის სტუდენტების კითხვები, ძირითადად, შეერთებული შტატების პრეზიდენტის საგარეო და საშინაო პოლიტიკას ეხებოდა. ჰილარი კლინტონმა დონალდ ტრამპსა და რიჩარდ ნიქსონს შორის პარალელი გაავლო და აღნიშნა, რომ პრეზიდენტის იმპიჩმენტის საკითხი დღის წესრიგში აუცილებლად დადგება.
ყოფილმა სახელმწიფო მდივანმა და პრეზიდენტობის ყოფილმა კანდიდატმა ტრამპის ჯანდაცვისა და ეკონომიკის პოლიტიკა მწვავედ გააკრიტიკა.
„ჩვენ ყველანი გაბრაზებულები ვართ ადამიანზე, რომელმაც არჩევნებში არაკეთილსინდისიერად გაიმარჯვა, ვის მიმართაც სამართალდამცველებს არაერთი კითხვა აქვთ და რომელიც საკუთარ პრეზიდენტობას ვადის ამოწურვამდე იმპიჩმენტით დაასრულებს.“ - თქვა ჰილარი კლინტონმა უელესლის კოლეჯში სტუდენტებთან შეხვედრისას.
წყარო: NBC