რუსთაველის თეატრის მცირე სცენაზე ხელის ჩრდილების თეატრ "ბუდრუგანა ლიტვას" პრეზენტაცია გაიმართა. "ბუდრუგანა ლიტვა" ქართული ხელის ჩრდილების თეატრის "ბუდრუგანა გაგრას" შვილობილი თეატრია. ლიტველი მსახიობები უკვე 2 წელია, საქართველოში ბუდრუგანას მეჩრდილეებისა და რეჟისორ გელა კანდელაკთან ჩრდილების ხელოვნებას სწავლობენ.

ლიტველმა მსახიობებმა დღეს რუსთაველის მცირე სცენაზე რეჟისორ გელა კანდელაკის სპექტაკლის "წელიწადის 4 დროს" პრემიერაც გამართეს. სპექტაკლის დასრულების შემდეგ კი, ხელის ჩრდილების თეატრებს "ბუდრუგანა გაგრასა" და "ბუდრუგანა ლიტვას" შორის თანამშრომლობის ხელშეკრულებაც გაფორმდა. ხელშეკრულების მიხედვით, თეატრები შეთანხმდნენ, რომ ერთმანეთის სპექტაკლების გაცვლა და დადგმა შეეძლებათ.