თბილისის საკრებულოს ფრაქცია "მოძრაობა თავისუფლებისთვის-თბილისის" თავმჯდომარის კითხვებს თბილისის ქონების მართვის სააგენტოს უფროსმა უპასუხა. საქმე ეხება ოთარ ფარცხალაძის კუთვნილი კომპანიისთვის გადაცემულ მიწის ნაკვეთს.

კარლო ლაფერაძის განცხადებით, მან ფრაქციის წევრებს შესაბამისი დოკუმენტაცია წარუდგინა.

"საქმეში სამართლებრივი ბუნდოვანება არ არსებობს და პროცესი გამჭვირვალეა. დოკუმენტებით დასტურდება, რომ ადმინისტრაციული წარმოება 2014 წელს კომპანიის მომართვის საფუძველზე დაიწყო, ამ დროს კომპანიის მესაკუთრე ოთარ ფარცხალაძე არ იყო"-განაცხადა კარლო ლაფერაძემ.

რაც შეეხება ფრაქციის თავმჯდომარეს, მამუკა ახვლედიანი საკრებულოში თბილისის მერის მისვლას ითხოვს.

"იურიდიულად შესაძლოა ყველაფერი წესრიგშია, თუმცა თუ აქამდე მერიაში კორუფციულ გარიგებებზე კითხვები ოპოზიციას ჰქონდა, ახლა კითხვები აუდიტის სამსახურსაც აქვს. ამ კითხვებზე კი პასუხი თბილისის მერმა უნდა გასცეს",- განაცხადა მამუკა ახვლედიანმა.