2050 წლისთვის საპენსიო ასაკი, მდიდარ ქვეყნებში, როგორებიცაა ბრიტანეთი, შეერთებული შტატები, იაპონია და კანადა მინიმუმ 70 წლამდე უნდა გაიზარდოს, რადგან ადამიანის სიცოცხლის ხანგრძლივობამ ამ ქვეყნებში 100 წელს გადააჭარბა. ასეთ რეკომენდაციას მსოფლიო ეკონომიკური ფორუმი თავის ახალ ანგარიშში იძლევა.
დოკუმენტის მიხედვით, საპენსიო ასაკის ზრდა გარდაუვალია, რადგან იმ ადამიანების რაოდენობა, რომელთა ასაკიც 65 წელს ზემოთაა, 2050 წლისთვის გასამმაგდება და 2 მილიარდს გადააჭარბებს.
პარალელურად, განახევრდება არასაპენსიო ასაკის დასაქმებული ადამიანების რაოდენობა. მსოფლიო ეკონომიკური ფორუმის ანალიტიკოსის განცხადებით, ადამიანთა სიცოცხლის ხანგრძლივობის ზრდა, ფინანსური კუთხით, იმავე მოცულობის პრობლემას ქმნის, რასაც გლობალური დათბობა.