ბოლო ერთ თვეში კომერციულ ბანკებში დეპოზიტები თითქმის 133 მილიონი ლარით გაიზარდა. ეროვნული ბანკის მონაცემებით, სულ ბანკებში 16 მილიარდი ლარის დეპოზიტებია. უფრო მეტად გაზრდილია ვადიანი დეპოზიტების მოცულობა, რომლებზეც საშუალო წლიურმა შეწონილმა საპროცენტო განაკვეთმა 4.1 პროცენტი შეადგინა. დეპოზიტების ლარიზაციის კოეფიციენტი კი 31%-ია.

რაც შეეხება სესხებს, საბანკო სესხების მხოლოდ 40 პროცენტია ლარში გაცემული. ბოლო ერთ თვეში ბანკებმა 106 მილიონი ლარის სესხები გასცეს, ლარში გაცემული სესხების მოცულობა კი 2%-ით გაიზარდა, ხოლო უცხოური ვალუტით გაცემული სესხები შემცირდა.

მთლიანი სესხების ლარიზაციის კოეფიციენტი ბოლო ერთ თვეში მხოლოდ ნახევარი პროცენტით არის გაზრდილი.