„საპარტნიორო ფონდმა“ და კომპანია „ნეითივ ჯორჯიანმა“ „ქართული მთის ღორის გადარჩენის პროექტი“ დაიწყო. პროექტის პირველი ეტაპი რაჭაში, სოფელ ღარში, ევროპული ტექნოლოგიებით მეღორეობის ფერმის მშენებლობას ითვალისწინებს, რომელსაც საფუძველი უკვე ჩაეყარა.

პროექტი სულ 5-ეტაპიანია, ჯამური საინვესტიციო პორტფელი კი 13 მილიონს შეადგენს. „ქართული მთის ღორის გადარჩენის პროექტი” საქართველოში „იბერიკოს“ ჯიშის ანალოგის, უნიკალური ქართული მთის ღორის მოშენების, ქართული „ჰამონის“ წარმოებისა და მსოფლიო ბაზარზე მისი კომერციალიზაციის ეტაპებს მოიცავს. პროექტის განხორციელება 5-დან 7 წლამდე პერიოდში იგეგმება.