დაბალბიუჯეტიანი ავიაკომპანია "რაიან ეარი" ბილეთების ფასს წელსაც შეამცირებს, თუმცა არა ისე მკვეთრად, როგორც გასულ წელს.

ავიაკომპანიის განცხადებით, ფასები 2018 წლის მარტამდე 5-დან 7 პროცენტამდე დაიწევს, მაშინ როცა გასულ წელს რაინეარმა ფასები 13 პროცენტით შეკვეცა.

წლევანდელი ფასის ვარდნას ავიაკომპანია ევროპულ კომპანიებს შორის მზარდი კონკურენციით და ბრიტანული გირვანქა სტერლინგის გაუფასურებით ხსნის.

სტრელინგი გასული წლის ივნისიდან 16 პროცენტით დაეცა.

თუმცა მიუხედავად კურსის ვარდნისა, ავიაკომპანიის მოგება რეკორდულად მაღალია და 1,32 მილიარდ ევროს შეადგენს, რაც მგზავრთა ნაკადის 13 პროცენტიანი ზრდის დამსახურებაა.