მშენებლობაზე გარდაცვლილი მამაკაცის ცხედარს ექსპერტიზა უტარდება. უბედური შემთხვევა პოლიტკოვსკაიას N57-ში მოხდა.

თვითმხილველების განცხადებით, 35 წლის მამაკაცი თბილისში სვანეთიდან იყო სამუშაოდ ჩამოსული. ის მეცხრე სართულიდან ჩამოვარდა, როდესაც შენობის გარე ფასადზე სამუშაოებს ასრულებდა.

მომხდართან დაკავშირებით, შსს-მ გამოძიება სსკ-ის 240-ე მუხლით დაიწყო, რაც სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.

ცნობილია, რომ ამავე ობიექტზე, წინა წელს 26 წლის მამაკაცი დაიღუპა. მშენებლობას კომპანია „სოლო დეველოპმენტი“ აწარმოებს.

როგორც კომპანიაში ამბობენ, მუშების უსაფრთხოებაზე პასუხისმგებელი კონტრაქტორი კომპანია „თერმოლუქს 2015“ იყო. მათივე ინფორმაციით, ამ ფაქტის დამადასტურებელი ხელშეკრულება შესაბამის უწყებებს უკვე მიაწოდეს.