დასაქმებისა და ახალი პროფესიების შეძენის შანსი.

სახელმწიფო მომზადება-გადამზადების პროგრამის ახალ ეტაპს იწყებს. ივნისიდან სოციალური მომსახურების სააგენტოში იმ მსურველების რეგისტრაცია დაიწყება, ვისაც ახალი პროფესიის შეძენა ან თავისივე პროფესიაში გადამზადება სურს.

სწავლების კურსი 2-დან 4 თვემდე გასტანს და მას სახელმწიფო ვაუჩერულად დააფინანსებს.

სამუშაოს მაძიებლებს შეეძლებათ, ბაზარზე ყველაზე მოთხოვნად 98 პროფესიაში გადაემზადონ. ისინი სწავლის კურსს როგორც კერძო, ასევე სახელმწიფო პროფესიულ სასწავლებლებში გაივლიან.

პროგრამა 2 ეტაპად ჩატარდება. ჯამური ბიუჯეტი 2 მილიონ 14 ათასი ლარია.