არანაირი თამაში ეს არ არის, ეს არის ბავშვების თვითდაზიანება, რომლის პრევენციასაც ვაკეთებთ და აქტიურად ვართ ჩართული,- ასე პასუხობს განათლების მინისტრი კითხვას 99-ე სკოლის მოსწავლეების თვითდაზიანებების ფაქტის შესახებ.
ალექსანდრე ჯეჯელავამ განაცხადა, რომ ძალოვნებთან ერთად აქტიურად მუშაობენ, რომ თითოეული შემთხვევა გამოიძიონ.
ალექსანდრე ჯეჯელავა მედიის წამომადგენლებს მოუწოდებს, თავი შეიკავონ ამ თემის გაშუქებისგან.
"არანაირი თამაში ეს არ არის, ეს არის ბავშვების თვითდაზიანება, რომლის პრევენციასაც ვაკეთებთ. დიდი თხოვნაა, საკითხის პოპულარიზაციისგან თავი შევიკავოთ, რეიტინგის ძებნაში ნუ დავღუპავთ ბავშვებს",-აღნიშნა ალექსანდრე ჯეჯელავამ.
სამართალდამცველებმა თბილისის 99-ე საჯარო სკოლის შვიდი მოსწავლე გამოკითხეს. 13-14 წლის ასაკის ბავშვების გამოკითხვის მიზეზი მათ სხეულზე აღმოჩენილი ნაკაწრები გახდა. ირკვევა, რომ ოთხმა გოგონამ და სამმა ბიჭმა თვითდაზიანებები მიიყენა. შესაძლოა, ბავშვების მიერ თვითდაზიანებების მიყენება ინტერნეტთამაშ „ლურჯ ვეშაპს“ უკავშირდებოდეს.