ანტიტერორისტული ოპერაციის ფარგლებში, ფილიპინების ავიაციამ შეცდომით სამთავრობო არმიის შენაერთი დაბომბა.
ქვეყნის სამხრეთით, ქალაქ მარავიში განხორცილებული ავიაიერიშის შედეგად 10 ადამიანი დაიღუპა, 8 კი დაიჭრა.
ფილიპინების არმია ე.წ. ისლამური სახელმწიფოს მოკავშირე რადიკალი ისლამისტების წინააღმდეგ სამხედრო ოპერაციას ატარებს.
ქვეყნის პრეზიდენტმა, როდრიგო დუტერტემ კუნძულ მინდაოზე საგანგებო მდგომარეობა გამოაცხადა.
23 მაისს ფილიპინების უშიშროების სამსახურმა ისლამისტების ერთ-ერთი ლიდერის დაკავება სცადა, თუმცა რამდენიმე ათეულმა მებრძოლმა მათ წინააღმდეგობა გაუწია, ქალაქ მარავის რამდენიმე რაიონი დაიკავა და მძევლები აიყვანა.
ფილიპინების არმია საჰაერო დარტყმებით ჯიჰადისტების ქალაქიდან განდევნას ცდილობს. მშვიდობიანმა მოსახლეობამ ქალაქი უკვე დატოვა.