დაზუსტდა და აფგან მუხტარლი ნამდვილად ჟურნალისტი აღმოჩნდა, გუშინ არასწორი ინფორმაცია მქონდა,- განაცხადა განათლების მინისტრმა ალექსანდრე ჯეჯელავამ აზერბაიჯანელ ჟურნალისტზე.

მისივე ინფორმაციით, მუხტარლი, ჟურნალისტობის გარდა, რადიო "თავისუფლების" უსაფრთხოების სამახურის უფროსიც არის.

„როგორც აღმოჩნდა, იგი რადიო "თავისუფლების" უსაფრთხოების სამახურის უფროსიც არის და - ჟურნალისტური გამოძიებების ავტორიც“, - აღნიშნა ჯეჯელავამ.

განათლების მინისტრი უარყოფს ქართველი ძალოვნების მონაწილეობას აზერბაიჯანელი ჟურნალისტის გადაცემაში. მისი თქმით, ამ ბრალდებას ოპოზიცია ავრცელებს. ჯეჯელავა ამბობს, რომ გუშინ უკვე დაიწყო გამოძიება, რომლიც აქტიურად მიმდინარეობს.

გუშინ ალექსანდრე ჯეჯელავამ თემის კომენტირებისას განაცხადა, რომ არასამთავრობოებმა უნდა გადაამოწმონ ინფორმაცია, არის თუ არა აფგან მუხტარლი რეალურად ჟურნალისტი.

აფგან მუხტარლი თბილისში 29 მაისს, საღამოს გაუჩინარდა. მოგვიანებით, გაირკვა, რომ ის ბაქოში, სახელმწიფო საზღვრის სამსახურის საგამოძიებო განყოფილებაში იმყოფებოდა. მუხტარლის ბრალი აზერბაიჯანის სისხლის სამართლის კოდექსის 318-ე (საზღვრის უკანონო კვეთა) და 206-ე (დეკლარაციის გარეშე დიდი ოდენობით თანხის გადატანა) მუხლებით აქვს წარდგენილი.