გამოშვებას ვიწყებთ თემით, რომელიც ბოლო პერიოდში საზოგადოების განსაკუთრებული ყურადღების ცენტრშია.
მოამბისთვის ცნობილი ხდება, რომ თბილისის 99-ე საჯარო სკოლის შვიდი მოსწავლე დღეს პოლიციის განყოფილებაში გადაიყვანეს.
გამოკითხვის შემდეგ დირექტორი ამბობს, რომ 13-14 წლის მოზარდებს სხეულზე თვითდაზიანებები აქვთ მიყენებული.
უცნობია, უკავშირდება თუ არა თვითდაზიანებების ფაქტები სოციალურ ქსელებში გავრცელებულ საშიშ ონლაინ თამაშს, თუმცა მოზარდების გამოკითხვას დროში საეჭვოდ ემთხვევა შინაგან საქმეთა სამინისტროს განცხადება, რომლის მიხედვით, უწყებამ გამოძიება ორი მუხლით, მათ შორის თვითმკვლელობის ცდამდე მიყვანის მუხლით დაიწყო.
2013 წლიდან რუსეთში და შემდეგ სხვა ქვეყნებში ლურჯი ვეშაპის სახელწოდებით გავრცელებული თამაშის ძირითადი სამიზნეები არასრულწლოვნები არიან.
მსოფლიოს მასშტაბით თამაშს სუიციდის უკვე ათეულობით შემთხვევა მოჰყვა.