ე.წ. კორტების სპეცოპერაციის საქმეზე სააპელაციო სასამართლომ შესაძლოა, დღეს განაჩენი გამოაცხადოს.
როგორც სხდომის დაწყებამდე საქმეზე ბრალდებულების, ირაკლი ფირცხალავასა და გიორგი ცააძის ადვოკატმა მალხაზ ველიჯანაშვილმა განაცხადა, დღეს დაცვის მხარე საბოლოო სიტყვას დაასრულებს, რის შემდეგაც მხარეები რეპლიკებს იტყვიან და ბრალდებულებს მიეცემათ საბოლოო სიტყვის უფლება. ამის შემდეგ მოსამართლეთა კოლეგიამ უნდა გამოაცხადოს განაჩენი, რაც შესაძლოა, დღესვე მოხდეს.
ამასთან, ველიჯანაშვილის თქმით, დაცვის მხარეს აქვს არგუმენტები, რის საფუძველზეც გამამართლებელ განაჩენს ელოდება.
ირაკლი დირცხალავას და გიორგი ცააძეს 2006 წელის მაისში, კორტების მიმდბარედ, სპეცოპერააციის დროს ზურაბ ვაზაგაშვილის და ალექსანდრე ხუბულოვის განზრახ მკვლელობა ედებათ ბრალად.
თბილისის საქალაქო სასამართლომ მათ 12-12 წლით პატიმრობა მიუსაჯა. დაცვის მხარემ განაჩენი სააპელაციო წესით გაასაჩივრეს.