ჭყონდიდის მიტროპოლიტის, მეუფე პეტრე ცაავას საკითხს წმინდა სინოდის სხდომაზე განიხილავენ,- ამის შესახებ ჟურნალისტებს რუსთავის მიტროპოლიტმა, იოანემ (გამრეკელი) განუცხადა.

მისი თქმით, ჭყონდილელი მიტროპოლიტის ქმედებებსა და განცხადებებს სინოდი გარკვეულ შეფასებას მისცემს, თუმცა არის თუ არა მოსალოდნელი მისი ეპარქიიდან ჩამოცილება, ამაზე მეუფე იოანე არ საუბრობს.

"სინოდი განიხილავს მას საკითხს. ეს არ არის კერძოდ ჩემი გადასაწყვეტი ან სათქმელი. როდის განიხილება საკითსი, თარიღი ჩვენ არ ვიცით წინასწარ", - აღნიშნა რუსთავის მიტროპოლიტმა.

წმინდა სინდის სხდომა წელიწადში გეგმურად ორჯერ იმართება. სინოდის სხდომის თარიღს და სხდომაზე განსახილველ საკითხებს საქართველოს კათოლიკოს-პატრიარქი ადგენს.