ვწუხვარ, რაც მოხდა აზერბაიჯანელი ჟურნალისტის, აფგან მუჰთარლის მიმართ. სამწუხაროდ ამ დრომდე ჩვენ ვერ მოვისმინეთ ადეკვატური განცხადებები ხელისუფლების მხრიდან, უფრო მეტიც, ჩვენ მოვისმინეთ დაბნეული მაღალჩინოსნების აბსურდი, მათ შორის განსაკუთრებულად აბსურდული იყო განათლების მინისტრის, ვიცე-პრემიერის მორიგი სისულელე, რომელმაც ჯერ ჟურნალისტის პროფესიაში შეიტანა ეჭვი დაშემდეგ, მეორე დღეს შეცვალა პოზიცია.
ცუდია, რომ არასერიოზულად უდგებიან საკითხებს და შესაბამისად არაადეკვატურ განცხადებებს ავრცელებენ. მეტი სოლიდურობა, მეტი სერიოზულობა მართებს მაღალჩინოსნებს.
არაფრისმთქმელი იყო შს მინისტრის ბატონი მღებრიშვილის ბრიფინგი, რომელმაც რეალურად ვერ გაგვაგებინა რა მოხდა, ტრადიციულად მხოლოდ ის ბრძანა, რომ მიმდინარეობს გამოძიება.
უარესი იყო სუს-ის უფროსის ვახტანგ გომელაურის განცხადება, რომელმაც გარდა იმისა, რომ ვერაფერი ვერ გაგვაგებინა, ბრძანა, რომ ჟურნალისტი აღმოჩნდა ე.წ. მწვანე ზონაში და ამით რეალურად მან დაადასტურა, რომ საქართველოს საზღვრები დაუცველია და უკონტროლო, რომ დოკუმენტების, პასპორტის გარეშე შესაძლებელია ადამიანის გადაადგილება.
სპეცოპერაცია, დევნილი ჟურნალისტის გატაცების მიზნით ორგანიზებულია აზერბაიჯანის სპეც. სამსახურების მიერ ან ეს სპეცოპერაცია ჩატარდა ჩვენი და აზერბაიჯანის სპეც სამსახურების მიერ ერთობლივად. ორივე შემთხვევაში, საქმე გვაქვს დიდ დანაშაულთან, რომელიც კიდევ ერთხელ ცხადჰყოფს ჩვენი ხელისუფლების დიდ შეცდომებს და პროცესებზე რუსული სპეც სამსახურების ზეგავლენის აშკარა ფაქტს.
#ირაკლიღლონტი #პოლიტიკა