„როლან გაროსზე“ დასრულდა შეხვედრა ტურნირის ფავორიტ რაფაელ ნადალსა და ნიკოლოზ ბასილაშვილს შორის.

დაპირისპირებამ ესპანელის დიდი უპირატესობით ჩაიარა. მან მატჩი 6:0; 6:1; 6:0 მოიგო. შეხვედრა სულ საათი და ოცდათოთხმეტი წუთი გაგრძელდა.

ნიკოლოზ ბასილაშვილი ტურნირის საუკეთესო 32 ჩოგბურთელს შორის მოხვდა. საფრანგეთის ღია პირველობის წინა ეტაპებზე მან ვიქტორ ტროიცკი (35) და ჟილ სიმონი (31) დაამარცხა.

"როლან გაროსის" დაწყებამდე ნიკოლოზ ბასილაშვილი მსოფლიო რეიტინგში 63-ე პოზიციას იკავებდა.

ტურნირის მომდევნო ეტაპზე რაფაელ ნადალი რობერტო ბაუტისტა-აგუტს შეხვდება.