მაისში წლიურმა ინფლაციამ 6,6 პროცენტი შეადგინა, ხოლო წინა თვესთან შედარებით, ინდექსი არ შეცვლილა.

'საქსტატის მონაცემებით, წლის განმავლობაში სურსათი და უალკოჰოლო სასმელები 8,3 პროცენტით გაძვირდა, ბოსტნეული და ბაღჩეული 30,3 პროცენტით, ტკბილეული 11,3 პროცენტი, რძე, ყველი და კვერცხი -10,1 პროცენტით, ხორცი და ხორცის პროდუქტები 8,0 პროცენტით, ხოლო ზეთი და ცხიმი 6,0 პროცენტით.

ამასთან, 4,7 პროცენტით გაიაფდა ხილი და ყურძენი. რაც შეეხება ალკოჰოლურ სასმელებს, ერთ წელიწადში მათი ფასი 15 პროცენტით გაიზარდა, თამბაქოს ნაწარმი კი 31,7 პროცენტით გაძვირდა.

ჯანმრთელობის დაცვაზე ფასების 6,7 პროცენტიანი ზრდა ფიქსირდება, ტრანსპორტის ჯგუფზე კი 17,5 პროცენტი.

შეგახსენებთ, 2017 წლის მიზნობრივი ინფლაცია 4 პროცენტია.