არსებობს სერიოზული ინფორმაცია, რომ აზერბაიჯანელი ჟურნალისტის აფგან მუხტარლის გატაცებაში ქართველი სამართალდამცავები მონაწილეობდნენ - ამის შესახებ "ევროპული საქართველოს" წევრმა ოთარ კახიძემ დღეს გამართულ ბრიფინგზე განაცხადა.
როგორც ოთარ კახიძე აცხადებს, დანაშაულში უსაფრთხოების სამსახურის და შსს მაღალჩინოსნების დანაშაული იკვეთება.
"ევროპული საქართველოს" წევრები უმცირესობის ფორმატში პარლამენტში სუს-ის უფროსსა და შსს-ს მინისტრთან შეხვედრას ითხოვენ.
"ვაყენებთ საკითხს ვახტანგ გომელაურის და გიორგი მღებრიშვილი პარლამენტში გამოცხადდნენ და გასცენ პასუხი საზოგადოებაში დაგროვილ კითხვებზე. ჩვენ უნდა მოვახდინოთ რეაგირება ამ ქმედებაზე და ყველა ადამიანი მართლმსაჯულების წინაშე უნდა წარდგეს", - განაცხადა კახიძემ.
"ევროპული საქართველოს" წევრები მოუწოდებენ უმრავლესობას გააცნობიერონ, ამ ქმედების სიმძიმე და მომხდარში ჩართული სამართალდამცველები თანამდებობაზე არ დატოვონ.