სასტუმრო „თბილისი მარიოტში“ კლიმატის მწვანე ფონდის (GCF) მე-2 სამუშაო შეხვედრა გაიმართა. შეხვედრის მონაწილეებს გარემოსა და ბუნებრივი რესურსების დაცვის მინისტრის მოადგილემ ეკატერინე გრიგალავამ მიმართა, სადაც ფონდიდან ფინანსური რესურსების მობილიზების საკითხებზე იმსჯელეს. მზაობის დახმარების პროექტი უზრუნველყოფს საქართველოში ეროვნული უფლებამოსილი ორგანოს შესაძლებლობათა გაძლიერებას და ეროვნული პროგრამის დოკუმენტის მომზადებას. პროექტი საქართველოსთვის ტექნიკურ მხარდაჭერას უზრუნველყოფს, რათა გაძლიერდეს ეროვნული უფლებამოსილი ორგანო. პროექტი მწვანე კლიმატის ფონდის მხარდაჭერით ხორციელდება, ხოლო შემსრულებელი გერმანიის საერთაშორისო თანამშრომლობის საზოგადოებაა (GIZ). შეხვედრაში მონაწილეობა ხელისუფლების, კერძო სექტორის, არასამთავრობო ორგანიზაციების წარმომადგენლებმა და კლიმატის ცვლილების ექსპერტებმა მიიღეს.