არსებული ინფორმაციით, გიორგი ბადაშვილი მუშაობას მთავარ პროკურატურაში გააგრძელებს.
ამ ინფორმაციას პროკურატურის პრესსამსახურში ამ ეტაპზე არ ადასტურებენ. კომენტარს არ აკეთებენ ფინანსთა სამინისტროს საგამოძიებო სამსახურის პრესსამსახურშიც.
ასევე ვრცელდება ინფორმაცია, რომ ყოფილი მთავარი პროკურორი უწყების მოქმედი ხელმძღვანელის, ირაკლი შოთაძის მოადგილე გახდება.
გიორგი ბადაშვილი მთავარ პროკურორად 2014 წლის იანვარში დაინიშნა და თანამდებობაზე ოთარ ფარცხალაძე შეცვალა. პოსტი კი 2015 წელს დატოვა, როდესაც უწყება 6-წლიანი ვადით ირაკლი შოთაძემ ჩაიბარა.
რაც შეეხება საგამოძიებო სამსახურის ხელმძღვანელს, მას თანამდებობაზე, ფინანსთა მინისტრის წარდგინებით, პრემიერ-მინისტრი ნიშნავს.
საკადრო ცვლილებასთან დაკავშირებით ინფორმაცია ორი დღის წინ გახდა ცნობილი. როგორც საზოგადოებრივს ფინანსთა სამინისტროს საგამოძიებო სამსახურის პრესსამსახურში განუცხადეს, საკადრო ცვლილებების შესახებ განცხადება დღეს გაკეთდება.