თვითმმართველობის არჩევნებსა და კონსტიტუციის რეფორმაზე იმსჯელეს სოფელ მუხრანში ქართულ ოცნების ლიდერებმა.
დახურული შეხვედრა, რომელსაც პრემიერი და პარლამენტის თავმჯდომარე ესწრებოდნენ, გვიან ღამით დასრულდა.
უმრავლესობის წევრების თქმით, სხდომაზე მოახლოებულ არჩევნებთან დაკავშირებული საორგანიზაციო საკითხები და პარტიის პროგრამა განიხილეს. საუბარი შეეხო კონსტიტუციის ცვლილებების საპარლამენტო განხილვების საორგანიზაციო საკითხებსაც.
არჩილ თალაკვაძის განმარტებით, ვენეციის კომისიის დასკვნის მიღების შემდეგ, მთავარი კანონის კორექტირებაზე ჯერ საგაზაფხულო, შემდეგ კი საშემოდგომო სესიაზე იმსჯელებენ.
რაც შეეხება მერობის კანდიდატს, უმრავლესობა მის წარდგენას უახლოეს მომავალში გეგმავს. გია ვოლსკი ამბობს, რომ თბილისის მერის პოზიციაზე გუნდს კახა კალაძის გარდა სხვა კანდიდატი არ ჰყავს.