ტექნოპარკში ,,პროგრამირების ინკლუზიური კურსის’’ დახურვის ცერემონია და უსინათლოთათვის შექნილი ლარის კუპიურის ამომცნობი აპლიკაციის Lari Reader-ის პრეზენტაცია გაიმართა.
სპორტისა და ახალგაზრდობის საქმეთა სამინისტროს მიერ განხორციელებული პროგრამა გათვლილი იყო შშმ პირებზე და მიზნად ისახავდა მობილური აპლიკაციების დეველოპმენტის ნულიდან შესწავლას.
სამინისტროს ინფორმაციით, საპილოტედ ინკლუზიურ კლასში 10 შშმ პირი შეირჩა. კურსი შვიდმა მათგანმა დაასრულა. კურსის წარმატებულმა მონაწილეებმა ტრენერების დახმარებით ლარის ამომცნობი აპლიკაცია შექმნეს.
ტარიელ ხეჩიკაშვილმა კურსდამთავრებულ მონაწილეებს წარმატება მიულოცა და სერტიფიკატები გადასცა.
პროგრამა სპორტისა და ახალგაზრდობის საქმეთა სამინისტროსა და UG lemondo trainings ინიციატივითა და მხარდაჭერით განხორციელდა. პროგრამის პარტნიორები კომპანია Lemondo, საქართველოს ინოვაციებისა და ტექნოლოგიების სააგენტო არიან.
ღონისძებას სპორტისა და ხალგაზრდობის საქმეთა მინისტრი ტარიელ ხეჩკაშვილი, საქართველოს ინოვაციების და ტექნოლოგიების სააგენტოს თავჯდომარის მოადგილე ავთანდილ კასრაძე, კომპანია „Lemondo“-ს პროექტების მენეჯერი გიორგი ყანჩაველი, უსინათლოთა კავშირის დირექტორი რევაზ მაისურაძე და უსინათლოთა საკითხებზე მომუშავე არასამთავრობო ორგანიზაციების წარმომადგენლები დაესწრნენ.