აშშ-ის მხარდაჭერილმა სირიელმა ქურთებმა და არაბულმა სამხედრო დაჯგუფებებმა სირიის ქალაქ რაქას ჯიჰადისტებისგან გათავისუფლების ოპერაცია დაიწყეს.
„სირიის დემოკრატიული ძალების“ პრესსამსახურის ინფორმაციით, ბრძოლები ერთდროულად რამდენიმე ფრონტზე მიმდინარეობს. შეტაკებები დაიწყო ქალაქის აღმოსავლეთით და ჩრდილოეთ გარეუბანში მდებარე სამხედრო ბაზასთან. სახმელეთო ოპერაციას საჰაერო მხარდაჭერას აშშ-ის მეთაურობით მოქმედი საერთაშორისო კოალიცია უწევს.
„სირიის დემოკრატიულმა ძალებმა“, რომლებიც აცხადებენ, რომ არც სირიის პრეზიდენტთან და არც ამბოხებულებთან კავშირი არ აქვთ, გასულ წელს სირიის ჩრდილოეთით ე.წ. ისლამური სახელმწიფოს მებრძოლებისგან 6 ათასი კვადრატული კილომეტრი ტერიტორია გაათავისუფლეს. ჯიჰადისტებმა ქალაქი რაქა 2014 წელს დაიკავეს და ე.წ. „სახალიფოს“ დედაქალაქად გამოაცხადეს.