უნივერსიტეტის მაღლივი კორპუსის ტერიტორიაზე ინფექციური საავადმყოფო აშენდება, სადაც ინფექციური პათოლოგიის, შიდსისა და კლინიკური იმუნოლოგიის ცენტრი განთავსდება. ამის შესახებ ჯანდაცვის მინისტრმა განაცხადა.

მანამდე კი მედიკოსებმა საპროტესტი აქცია გამართეს და გაუსაძლისი პირობების შესახებ ისაუბრეს. ექიმებს პრემიერ-მინისტრი შეხვდა და საკითხის განსახილველად აუდიენცია ჩაინიშნა.

მედიკოსების პროტესტი არსებული საავადმყოფოს შენობის საკითხს უკავშირდება. ექიმების განცხადებით პრობლემების გამო, მკურნალობის გარეშე რჩებიან შიდსითა და სხვა ინფექციებით დაავადებული პაციენტები და საფრთხე ექმნება C ჰეპატიტის ელიმინაციის პროგრამის განხორციელებას. ბრალდებებს უარყოფს „ავერსი ფარმას“ მფლობელი პაატა კურტანიძე.