პრემია-დანამატებზე ბიუჯეტიდან შარშან 321 მილიონი ლარი დაიხარჯა. ეს წინა წლის მაჩვენებელზე 6 პროცენტით მეტია. ამის შესახებ საუბარია 2016 წლის ბიუჯეტის შესრულების ანგარიშზე აუდიტის სამსახურის მიერ მომზადებულ დასკვნაში.

უწყების გათვლებით, პრემიებზე დახარჯული თანხები მესამე წელია მცირდება, თუმცა იზრდება დანამატებზე გაწეული ხარჯი. აუდიტის სამსახური მთავრობას სახელფასო საკითხის დარეგულირებას ურჩევს.

ფინანსთა მინისტრის მოადგილე კი აცხადებს, რომ ამ კუთხით 2017 წელს ვითარება გაუმჯობესებულია. აუდიტის სამსახურს სხვა შენიშვნებიც აქვს, მათ შორის ბიუჯეტის არათანაბარ ხარჯვაზე.