მთავარი პროკურორის მოადგილეების რაოდენობა იზრდება და მისი დანიშვნის უფლება თავად მთავარ პროკურორს ექნება.

ბრძანება იუსტიციის მინისტრმა თეა წულუკიანმა გამოსცა. ცვლილება „საქართველოს მთავარი პროკურატურის დებულების დამტკიცების შესახებ“ საქართველოს იუსტიციის მინისტრის 2013 წლის 10 ივლისის 38-ე ბრძანებაში შევიდა.

ძველი რედაქციით, მთავარ პროკურორს პირველი მოადგილის გარდა, ორი მოადგილის დანიშვნა შეეძლო. ახალი რედაქციით კი, მოადგილეების რაოდენობა ერთით გაიზარდა.

ბრძანება საკანონმდებლო მაცნეში უკვე გამოქვეყნდა. ამ დროისთვის, მთავარი პროკურორის პირველი მოადგილე მამუკა ვასაძეა, მოადგილეები კი გიორგი გაბიტაშვილი და გიორგი გოგაძე.

თეა წულუკიანის ბრძანების შემდეგ მთავარი პროკურორის მოადგილის თანამდებობას, სავარაუდოდ, გიორგი ბადაშვილი დაიკავებს, რომელიც ფინანსთა სამინისტროს საგამოძიებო სამსახურის უფროსის თანამდებობას ტოვებს.