თავისუფლება მუსტაფა ემრე ჩაბუქს, - ამ მოწოდებით საროტესტო აქცია მიმდინარეობს მთავრობის კანცელარიასთან. აქციაზე დემირელის კოლეჯის ხარისხის მართვის მენეჯერის ოჯახის წევრები, კოლეგები და არასამთავრობო ორგანიზაციის წარმომადგენლები არიან შეკრებილები.
მათი მთავარი მოთხოვნაა გათავისუფლდეს წინასწარი პატიმრობიდან მუსტაფა ჩაბუქი. ჩაბუქის მეუღლეს იმედი აქვს, რომ საქართველოს ხელისუფლება მიიღებს გადაწყვეტილებას ჩაბუქისთვის ლტოლვილის სტატუსის მინიჭებასთან დაკავშირებით, რაც ავტომატურად შეაჩერებს ექსტრადირების პროცესს.
დემირელის კოლეჯის მენეჯერი მუსტაფა ემრე ჩაბუქი სამართლდამცველებმა თურქული მხარის მოთხოვნით დაახლოებით ორი კვირის წინ დააკავეს. თურქული მხარე მას ტერორისტულ ორგანიზაციასთან თანამშრომლობას ედავება. თბილისის საქალაქო სასამართლომ 3-თვიანი წინა საექსტრადიციო პატიმრობა შეუფარდა.