მსოფლიოს ყველაზე ძვირადღირებულ 100 ბრენდის ტოპ-ხუთეულს, წელს "გუგლი", "ეფლი", "მაიკროსოფტი", "ამაზონი" და "ფეისბუქი" შეადგენენ.

რეიტინგებს ბრიტანული საკონსულტაციო და სარეკლამო კომპანიები უკვე 11 წელია ტრადიციულად ადგენენ. აღსანიშნავია, რომ პირველი ხუთეულის შემოსავალი, რეიტინგის ასი წამყვანი ბრენდის შემოსავლის 25 პროცენტს შეადგენს და მათი ერთობლივი კაპიტალიზაცია, გასულ წელთან შედარებით, 8 პროცენტით გაიზარდა და 3,6 ტრილიონ დოლარს მიაღწია.

რეიტინგის კვლევისას კომპანიამ, მსოფლიოს მასშტაბით, სამ მილიონზე მეტი მომხმარებელი გამოკითხა და 120 ათასი ბრენდი შეაფასებინა, რომლებიც მსოფლიოს 50 ბაზარზე ოპერირებენ.