ვენეციის 57-ე ხელოვნების საერთაშორისო ფესტივალზე, სამხატვრო აკადემიის სტუდენტების საგანმანათლებლო პროექტს „გადაიაზრე მომავალი“ დიდი რეზონანსი მოჰყვა. ევროპის კულტურის ცენტრმა, პრაქტიკაში პირველად, ბიენალეზე სახელოვნებო უნივერსიტეტის სტუდენტების მონაწილეობა დაუშვა და პროექტ „პერსონალური სტრუქტურების“ფარგლებში, 13 მაისს, ქართველი სტუდენტების ორგანიზებული გამოფენა გახსნა.
ათი სტუდენტის საექსპოზიციო პროექტი პალაცო მორის საგამოფენო სივრცეში ისეთი მნიშვნელოვანი მხატვრების გვერდით გამოფინეს, როგორებიცაა ჯეფ კუნსი და იოკო ონო.
ევროპის კულტურის ცენტრის კატალოგში ოთხი გვერდი სამხატვრო აკადემიას დაეთმო, სადაც ავთანდილ გახოკიძის, მარიამ ოდიშვილისა და სალომე ელანიძის ნამუშევრები დაიბეჭდა, მარიამ აქუბარდიას კი ევროპის კულტურის ცენტრმა სამთვიანი სტაჟირება გაუფორმა.
ვენეციის ბიენალე ქართველი სტუდენტების ექსპოზიციას 26 ნოემბრამდე უმასპინძლებს.