ამერიკის სენატის მხრიდან მხარდაჭერილია კანონპროექტი, რომელშიც ოკუპირებული სამხრეთ ოსეთი, აფხაზეთი, დნესტრისპირეთი და ანექსირებული ყირიმი რუსეთის აგრესიის სამიზნედაა მოხსენიებული.

ეს არის საქართველოსა და სხვა ქვეყნებში რუსეთის გავლენის შესუსტების შესახებ დოკუმენტი, რომლის ავტორები რუსეთს საერთაშორისო ვალდებულებების იგნორირებაში ადანაშაულებენ.

ევროპასა და ევრაზიაში რუსული გავლენის წინააღმდეგ შემუშავებულ კანონპროექტს მალე ამერიკის სენატის საგარეო ურთიერთობების კომიტეტში უყრიან კენჭს.