კონსტიტუციაში შესატანი ცვლილებების გამო, პრეზიდენტსა და პარლამენტის თავმჯდომარეს შორის ურთიერთბრალდებები გრძელდება.

ირაკლი კობახიძის თქმით, გიორგი მარგველაშვილის პოზიციები ცვლილებების პროექტის მიმართ სუსტია. ამიტომ სპიკერი არ გამორიცხავს, რომ პრეზიდენტი ვენეციის კომისიაში მომავალ კვირას დაგეგმილ სხდომაზე დასწრებას თავს არიდებს.

საკონსტიტუციო კომისიის თავმჯდომარე სახელმწიფოს მეთაურს კომისიის წინააღმდეგ კამპანიის წარმოებაშიც კიდევ ერთხელ ადანაშაულებს.

გუშინ გაკეთებული კომენტარების გამო, სპიკერი უშიშროების საბჭოს მდივანსაც მწვავედ აკრიტიკებს და დავით რაქვიაშვილს საკუთარ სტატუსს ახსენებს.

ირაკლი კობახიძის დღევანდელ განცხადებებს პრეზიდენტის ადმინისტრაციის ხელმძღვანელი „არასერიოზულს“ უწოდებს.