დიდი ბრიტანეთის პრემიერ-მინისტრი ტერეზა მეი მთავრობას დემოკრატიული მოკავშირეების პარტიასთან ერთად ჩამოაყალიბებს.

მთავრობის ფორმირების ნებართვა მეიმ ბრიტანეთის დედოფლისგან უკვე მიიღო. ბოლო მონაცემებით, საპარლამენტო არჩევნებში "კონსერვატიულმა პარტიამ" 318, ლეიბორისტებმა კი 261 მანდატი მოიპოვეს.

შოტლანდიის ეროვნულ პარტიას 35 მადატი აქვს. ლიბერალ-დემოკრატებს - 12, ჩრდილოეთ ირლანდიის დემოკრატიული მოკავშირეების პარტია კი 10 ადგილს ფლობს.

არჩევნების პირველადი შედეგების გამოქვეყნების შემდეგ "ლეიბორისტული პარტიის" ლიდერმა ჯერემი კორბინმა ტერეზა მეის პრემიერ-მინისტრის პოსტის დატოვებისკენ მოუწოდა. შოტლანდიის პირველი მინისტრი, ნიკოლა სტერჯენი ამბობს, რომ პრემიერ-მინისტრმა ნდობა დაკარგა.