გიორგი მღებრიშვილი დღეიდან კრიმინალური პოლიციის კურატორობას შეითავსებს. ამის შესახებ შს მინისტრმა დედაქალაქისა და რეგიონების საპატრულო პოლიციის დეპარტამენტებთან თათბირზე განაცხადა.
მინისტრის განმარტებით, ამიერიდან დეპარტამენტების უფროსები ანგარიშვალდებულები უშუალოდ მასთან იქნებიან.
პირველი მოადგილე ბესიკ ამირანაშვილი, კი რომელიც კრიმინალური პოლიციის კურატორის პოზიციას იკავებდა, კადრების განკარგულებაში გადადის,.
დღესვე მღებრიშვილმა საპატრულო პოლიციის დეპარტამენტის ახალი უფროსი ალექსანდრე ხვადაგიანი ოფიციალურად წარადგინა.
ცნობილი ხდება რომ საკადრო ცვლილებები აჭარის, ქვემო ქართლის, სამეგრელო-ზემო სვანეთისა და შიდა ქართლის მთავარ სამმართველოებშიც განხორციელდა.
მინისტრმა დღეს საპატრულო პოლიციის თანამშრომლებისთვის საკვალიფიკაციო გამოცდებზეც ისაუბრა.