იაპონიის იმპერატორი აკიჰიტო 2018 წელს გადადგება.

იმპერატორის გადადგომის შესახებ ერთჯერადი კანონპროექტი იაპონიის პარლამენტმა უკვე მიიღო.

ბოლო 200 წლის განმავლობაში აკიჰიტო იაპონიის პირველი იმპერატორია, რომელმაც მსგავსი გადაწყვეტილება მიიღო.

გასულ წელს 83 წლის იმპერატორმა განაცხადა, რომ ასაკი და ჯანმრთელობის მდგომარეობა ოფიციალური მოვალეობების შესრულებას ართულებდა.

აკიჰიტო იაპონიის იმპერატორი 1989 წელს გახდა. 2018 წლიდან იაპონიის იმპერატორი ტახტის მემკვიდრე, 57 წლის ნარუჰიტო გახდება.

იაპონიის იმპერატორს პოლიტიკური ძალაუფლება არ გააჩნია, თუმცა ოფიციალური მოვალეობების ფარგლებში მაღალი დონის ვიზიტების დროს უცხოელ სტუმრებს იღებს. ასევე ასრულებს რელიგიურ ცერემონიებსაც.