გერმანიის კანცლერმა, ანგელა მერკელმა განაცხადა, რომ ევროკავშირი გაერთიანებულ სამეფოსთან ბრექსიტის პროცესის დასაწყებად მზად არის და ამ პროცესს ვეღარაფერი შეაჩერებს.
მექსიკაში ოფიციალური ვიზიტის ფარგლებში გამართულ პრესკონფერენციაზე, მერკელმა ხაზგასმით აღნიშნა, რომ გაერთიანებული სამეფოს საყოველთაო არჩევნების შედეგები ევროგაერთიანებისთვის არავითარ დაბრკოლებას არ წარმოადენს. გერმანიის კანცლერმა კიდევ ერთხელ გამოთქვა იმედი, რომ გაერთიანებული სამეფო ახალი მთავრობის ხელშეწყობით, ევროკავშირის ერთგულ მოკავშირედ და მეგობრად ევროგაერთიანებიდან გასვლის შემდეგაც დარჩება.
„გაერთიანებული სამეფო მოლაპარაკებებისთვის მზად არის. მზად ვართ ჩვენც, ევროკავშირის ახლა უკვე 27 ქვეყანა. ჩვენ სამოქმედო გეგმის დეტალებზე ვმუშაობთ. მნიშვნელოვანია, რომ ყველა ჩვენგანმა მკაცრად დადგენილ ვადებს პატივი სცეს. მინდა დავარწმუნო ყველა, რომ ეს შეუქცევადი პროცესია და მის განხორციელებას ვერაფერი შეუშლის ხელს“, - განაცხადა ანგელა მერკელმა.
წყარო: Reuters