„რესპუბლიკური პარტია“ პარლამენტს ამნისტიის კანონპროექტს წარუდგენს. პროექტის თანახმად, „რესპუბლიკელები“ ნარკოდანაშაულისთვის მსჯავრდებული ყველა პატიმრისა და პირობით მსჯავრდებულთა ამნისტიას მოითხოვენ, ხოლო ნარკოტიკების გასაღებისთვის მსჯავრდებულთათვის სასჯელის ერთი მესამედით შემცირებას.
თამარ კორძაიას თქმით, დღეს, ვინც ამ დანაშაულის გამო ზის ციხეში, არ არის ცნობილი, რამდენად სამართლიანი იყო კანონმდებლობა მათ მიმართ. უკვე ჩნდება შეკითხვები, რომ შესაძლოა ნარკოტიკების ჩადება გამოყენებულ იქნას პოლიტიციის მხრიდან გარკვეულ მიზნებისთვის და ზეწოლის იარაღად.
"სისხლის სამარღლის კოდექსით გათვალისწინებული ნარკოტიკული დანაშაულის ნორმების სიმკაცრე წლების განმავლობაში ცხადყოფდა სახელმწიფოს მხრიდან აღიარებულ ომს ნარკოტიკების წინააღმდეგ, რაც გადაიზარდა ადამიანის უფლებების სრულ უგულვებელყოფაში და ადამიანების წინააღმდეგ ომში" - განაცხადა თამარ კორძაიამ.
„რესპუბლიკელები“ ამნისტიის შესახებ კანონპროექტს პარლანენტში დღესვე დაარეგისტრირებენ.