საქართველოს პარლამენტს უკრაინის დელეგაცია სტუმრობს. საქართველო-უკრაინისა და უკრაინა-საქართველოს საპარლამენტო მეგობრობის ჯგუფების წევრებმა დღეს გაცნობითი ხასიათის შეხვედრა გამართეს.

მხარეებმა ორ ქვეყანას შორის არსებული ურთიერთობების კიდევ უფრო გაღრმავებაზე და საპარლამენტთაშორისო ურთიერობების გაძლიერებაზე ისაუბრეს.

შეხვედრაზე კონკრეტული მიმართულებებიც მიმოიხილეს, რომელიც თავდაცვისა და უსაფრთხოების კუთხით თანამშრომლობას გულისხმობს.

ასევე, დაიგეგმა ორი ქვეყნის პარლამენტების საფინანსო-საბიუჯეტო კომიტეტებს შორის მჭიდრო თანამშრომლობა.

შეხვედრისას ყურადღება გამახვილდა უკრაინის პრეზიდენტის, პეტრო პოროშენკოს საქართველოში დაგეგმილ ვიზიტზე.