პარლამენტში სავალდებულო გენდერული კვოტირების შესახებ კანონპროექტი შევიდა. ინიციატივის თანახმად, პარტიები და საარჩევნო ბლოკები ისე უნდა დაკომპლექტდეს, რომ სიაში ყოველი მეორე განსხვავებული სქესი იყოს. იმ შემთხვევაში, თუ დეპუტატს უფლებამოსილება ვადაზე ადრე შეუწყდება, მისი ჩანაცვლება იმავე სქესის წევრით უნდა მოხდეს.

ცვლილებები საარჩევნო კოდექსსა და მოქალაქეთა პოლიტიკური გაერთიანების შესახებ კანონში უნდა შევიდეს. დოკუმენტი ქალთა პოლიტიკური მონაწილეობის სამუშო ჯგუფის (task force)-ის მიერ მომზადდა, სადაც ქართული და საერთაშორისო ორგანიზქაციები არიან გაერთიანებული. კანონპროექტს 37 455 ამომრჩეველი აწერს ხელს.