ევროკომისარი იოჰანეს ჰანი პირველ კომენტარს აკეთებს აზერბაიჯანელი ჟურნალისტის, აფგან მუხტარლის საქემზე.
ჰანს ბრიუსელში გამართულ პრესკონფერენციაზე „მოამბის“ კორესპონდენტმა იოჰანეს ჰანს ჰკითხა მომხდარის შეფასება და დაინტერესდა, ჰქონდა თუ არა ევროკომისარს კონტაქტი ამ საკითხზე ქართულ მხარესთან, არსებობს თუ არა შეშფოთების მიზეზი ან კითხვები.
„მე, რა თქმა უნდა, ვიცი აზერბაიჯანელი ჟურნალისტის საქართველოდან გაუჩინარების შესახებ. ველოდები და ეს დამიდასტურეს, რომ საქართველოს ხელისუფლება ძალიან ყურადღებით გამოიძიებს ამ საქმეს. ეს არის ის მინიმუმი, რასაც შეიძლება ველოდოთ. დიდი ინტერესით ველოდები შედეგებს. კვირის ბოლოს ვესტუმრები ბაქოს. აზერბაიჯანში ყოფნისას ამ საკითხსაც განვიხილავ“, - განაცხადა იოჰანეს ჰანმა.
ამასთან, მიმდინარე კვირაში ევროპარლამენტი გამართავს დებატებს და კენჭს უყრის რეზოლუციას აზერბაიჯანში მედიის მდგომარეობაზე. რეზოლუციის პროექტს ჰქვია - „მუხტარლის საქმე და მედიის მდგომარეობა აზერბაიჯანში“.