ლიტვაში ნატო-ს მასშტაბური სამხედრო წვრთნა „რკინის მგელი 2017“ დაიწყო. სამხედრო მანევრებში ჩრდილო ატლანტიკური ალიანსის წევრი 9 სახელმწიფოს 5300 ჯარისკაცი მიიღებს მონაწილეობას.

სამხედრო წვრთნები ლიტვის ცენტრალურ, სამხრეთ და აღმოსავლეთ ნაწილებში ჩატარდება, რომლის ფარგლებში ნატო-ს საერთაშორისო ბატალიონის მზადყოფნის დონე შემოწმდება.

„რკინის მგელი 2017“ ბალტიისპირეთსა და პოლონეთში დაგეგმილი ყოველწლიური სამხედრო წვრთნების ნაწილია, რომლის ორგანიზებას ევროპაში აშშ-ის სახმელეთო ძალების შტაბი ახორციელებს. სამხედრო წვრთნები 24 ივნისს დასრულდება.