ახალგაზრდა ქართველი ბორჯღალოსნები ისტორიულ გამარჯვებას ზეიმობენ. საქართველოს 20-წლამდე მორაგბეთა ნაკრებმა პირველი მატჩი მოიგო და მსოფლიო ჩემპიონატზე არგენტინელი მეტოქეები დაამარცხა.

26:25-ამ ანგარიშით დასრულდა თამაში, რაც იმას ნიშნავს, რომ ჩვენი ნაკრები მსოფლიოს მთავარ სარაგბო შეჯიბრზე მეცხრე ადგილისთვის ბრძოლას განაგრძობს.

დღევანდელი მატჩის შედეგებით ილია მაისურაძის გუნდმა მომავალ ჩემპიონატზე მსოფლიოს საუკეთესო 12 გუნდს შორის ასპარეზობის უფლება შეინარჩუნა.

შემდეგი შეხვედრა 18 ივნისსაა ჩანიშნული: საქართველოს ნაკრები ამჯერად ირლანდიელებს დაუპირისპირდება. წარმატებული ორთაბრძლის შემდეგ სპორტსმენებს პრემიერი შეხვდა.