საფრანგეთი და დიდი ბრიტანეთი ინტერნეტ-სივრცეში ტერორიზმსა და ექსტრემიზმს ერთობლივად დაუპირისპირდებიან. ამის შესახებ ორი ქვეყნის ლიდერმა, პარიზში ელისეის სასახლეში გამართული შეხვედრის შემდეგ, პრესკონფერენციაზე განაცხადა.

„ჩვენ ბრიტანულ-ფრანგულ ერთობლივ კამპანიას ვიწყებთ, რომელიც მიმართული იქნება ინტერნეტ სივრცეზე, სადაც ტერორისტები და დამნაშავეები თავს უსაფრთხოდ არ უნდა გრძნობდნენ. ამ სივრცეში არ უნდა იყოს ექსტრემისტული მასალები, რომელსაც მხოლოდ ბოროტება მოაქვს” – აცხადებს დიდი ბრიტანეთის პრემიერ-მინისრტი.

„ჩვენ რამდენიმე დღე ვმუშაობდით კონკრეტულ გეგმაზე. საუბარია ინტერნეტპროვაიდერების პასუხისმგებლობის გაძლიერებაზე, რომელთაც ტერორიზმისა და სიძულვილის პროპაგანდული მასალები უნდა წაშალონ“, – განმარტავს საფრანგეთის პრეზიდენტი.

მხარეები ასევე ხაზს უსვამენ, ტერაქტების აღკვეთის მიზნით, ორი ქვეყნის სპეცსამსახურებს შორის, დაზვერვის მონაცემების გაცვლასთან დაკავშირებით თანამშრომლობის გაძლიერებას.