ადამიანის უფლებების სწავლებისა და მონიტორინგის ცენტრმა ბათუმის საქალაქო სასამართლოს სარჩელით მიმართა.

სარჩელი მერიის მიერ, მუსლიმი თემისთვის ბათუმში ახალი მეჩეთის მშენებლობის ნებართვაზე უარის თქმას უკავშირდება.

ადამიანის უფლებების სწავლებისა და მონიტორინგის ცენტრში მიიჩნევენ, რომ მერიის ეს გადაწყვეტილება უკანონო და დისკრიმინაციულია.

ორგანიზაციაში აცხადებენ, რომ თუკი შიდა სამართლებრივი საშუალებებით შედეგს ვერ მიაღწევენ, საქმის შესწავლის მოთხოვნით ადამიანის უფლებათა ევროპულ სასამართლოს მიმართავენ.